Ndërron jetë legjenda e mundjes Hulk Hogan

Legjenda e mundjes dhe biznesit të spektaklit, Hulk Hogan, ka ndërruar jetë në moshën 71-vjeçare, shkruan TMZ Sports.

Një ambulancë u dërgua në shtëpinë e 71-vjeçarit në Clearwater, Florida, herët në mëngjes të enjten, dhe mjekët deklaruan se bëhej fjalë për një “arrest kardiak”, sipas portalit amerikan.

Vetëm disa javë më parë, gruaja e Hogan, Skye, mohoi thashethemet se ai ishte në koma, duke thënë se zemra e tij ishte “e fortë” ndërsa po shërohej nga operacioni.

Hulk Hogan e shndërroi mundjen profesionale (WWE) në argëtim familjar. Përpara tij, ky sport kishte një audiencë relativisht të ngushtë. Shfaqja e tij në ring ishte një magnet për fëmijët dhe prindërit njësoj, dhe i dha një shtysë të madhe popullaritetit të mundjes.

Hogan u fut në Sallën e Famës së WWE në vitin 2005, por u hoq në vitin 2015 pas një skandali mbi komentet raciste që u regjistruan fshehurazi gjatë.

Videoja u publikua nga portali Gawker, pas së cilës Hogan i paditi ata dhe fitoi në gjykatë.

LEXONI GJITHASHTU:

• Pas 20 vitesh në koma, ndërron jetë Princi i Fjetur i Arabisë Saudite
• Ndërron jetë aktori i njohur i Hollivudit