Ndërtimet pa leje, Bardhi i përgjigjet Ramës: Po favorizon oligarkët

Deputeti i Partisë Demokratike Gamzent Bardhi i është përgjigjur komentit të kryeministrit Edi Rama për ndërtimet pa leje, ku kritikoi opozitën se po çon në Gjykatën Kushtetuese për të rrëzuar vendimin e qeverisë për konfiskime të ligjshme.

Sipas Bardhit, opozita ka kërkuar shfuqizimin e vendimit të VKM-së që legalizon pa ligj katet shtesë të kullave të pastrimit të parave të pista.

Në një postim në Twitter, Bardhi është shprehur se Rama po favorizon oligarkët.

“Edi Rama vazhdon të gënjejë për të mbrojtur oligarkët. Opozita në GJK ka kërkuar shfuqizimin e VKM që legalizon pa ligj katet shtesë të Kullave të pastrimit të parave të pista dhe korrupsionit. Konfiskimin e parashikon ligji! Zbato ligjin për oligarkët njëlloj si për çdo qytetar”, u shpreh Bardhi në një postim në Twitter.

Gjatë një takimi në Gjirokastër, Rama tha se ata që kanë frymëzuar ndërtimet pa leje po ata kanë shkuar në Gjykatë Kushtetuese për të rrëzuar vendimin e qeverisë për të rrëzuar konfiskimin e ligjshëm dhe marrjen për t’ja dhënë njerëzve dhe shtetit metrat katrorë pa leje.

LEXONI GJITHASHTU:

• Rama: Paga minimale do të rritet më shpejt seç ishte parashikuar
• “Dimri më i vështirë pas Luftës së II Botërore”, Rama flet për krizën energjetike
• Balla: Jemi tërhequr nga paketa anti-shpifje, ekziston rreziku i financimit rus