Ndeshja Tirana-Teuta/ Tifozët kryeqytetas sulmojnë autobusin e durrsakëve

Një incident ka ndodhur në kryeqytet pas përfundimit të ndeshjes Tirana-Teuta, e cila përfundoi me rezultatin 0-2 për durrsakët.

Sipas informacioneve paraprake, dyshohet se tifozët e ekipit të Tiranës dyshohet se kanë dëmtuar autobusin e tifozëve të Teutës.

Ngjarja ka ndodhur rreth orës 19:30, te sheshi “Nënë Tereza”

“Më datë 25.03.2023, rreth orës 19:30, te sheshi “Nënë Tereza”, tifozët e ekipit të Tiranës dyshohet se kanë dëmtuar autobusin e tifozëve të Teutës, pas përfundimit të ndeshjes së zhvilluar mes dy ekipeve”,thuhet në njoftimin e policisë.

Grupi hetimor po punon për sqarimin e rrethanave të ngjarjes.