Partia Socialiste kërkon përjashtimin nga komisionet parlamentare dhe seancat plenare të deputetit të PD, Flamur Noka për shkak të veprimeve të kryera në seancën e të enjtes me përdorimin e tymueseve.

Pritet të mblidhet Sekretariat i etikës për të marrë vendimin. Deputeti Noka do të përjashtohet në bazë të rregullores së re të miratuar. Deputeti rrezikon përjashtim nga 30 deri në 60 ditë.

Kujtojmë se me 75 vota pro dhe brenda 8 minutave Kuvendi votoi në seancën e kësaj të enjteje kërkesën e SPAK për heqjen e imunitetit për deputetin Sali Berisha.

Seanca u shoqërua me përplasje të forta mes efektivëve të gardës dhe deputetëve të opozitës të cilët bllokuan me karrige foltoren e Kuvendit dhe ndezin flakadanë.

Ish-kryeministri refuzoi të merrte fjalën gjatë nisjes së seancës plenare, ku iu kërkua të fliste mbi kërkesën e SPAK. Berisha kërkoi nga kryetarja e Kuvendit që të hiqej Garda e Republikës nga foltorja në mënyrë që ai të merrte fjalën.

Me vendimin e parlamentit tani i hapet rruga gjykatës për ashpërsimin e masës së sigurisë ndaj tij.

LEXONI GJITHASHTU:

• Flakadanë dhe tensione në sallë, mbahet seanca për heqjen e imunitetit të Berishës
• Analisti: Berisha në burg jo fundi i botës! Berluskoni bëri 32 gjyqe