Habit Ndoka: Taulant Balla u votua se shkonte me njerëzit kapte lopatën

Ish-deputeti Nard Ndoka analizoi nga studio e Euronews Albania zgjedhjet lokale që pritet të mbahen më 14 maj.

Duke u ndalur tek beteja e Tiranës, Ndoka tha se Belind Këlliçi është një njeri i bazës që ndodhet çdo ditë në takime me qytetarët. Kjo sipas tij është një avantaz që mund ta shpallë fitues.

Ndoka mori gjithashtu shembullin e Taulant Ballës si deputetin më të votuar në radhët e PS-së.

Ai e cilësoi socialistin si një deputetët të bazës që rri me qytetarët dhe grumbullon vota përmes demagogjisë.

Pjesë nga biseda:

Nard Ndoka: Nëse nuk e duam Sali Berishën, Belind Këlliçi është një model që ka marrë më shumë vota se Berisha në Tiranë. Mund të fitojë në Tiranë dhe nesër të bëhet kryetari i Partisë Demokratike dhe kryeministër i vendit. Ky është empacipimi i politikës, ky është ndryshimi i elitave. Nuk është ndryshim elitash Erion Veliaj. Veliaj është një kopje e Edi Ramës.

Sidorela Gjoni: Edhe Taulant Balla ishte më i votuari Brenda PS-së, por nuk besoj se do të kërkojë ndonjëherë kreun e Partisë Socialiste.

Nard Ndoka: Edhe Taulant ishte një person që kishte lidhje me bazën, se nuk u votua për kokën katrore. U votua se ishte një person që shkonte aty dhe kapte lopatën. Demagog, mashtrues, por që I mori ato vota”, tha Ndoka.