Procedurat për emërimin e drejtorëve dhe nëndrejtorëve të shkollave si dhe pezullimin apo shkarkimin e tyre nga detyra kanë ndryshuar. Ky udhëzim i botuar tashmë në fletoren zyrtare ka ndryshuar, duke ulur kështu pikëzimin e vlerësimeve ndaj këtij target grupi.
Një komision vlerësues do të jetë ai që do të zgjedhë se cili kandidat i plotëson kriteret për të qenë titullari stitucionit arsimor.
Përpara ndryshimeve, anëtarët e këtij komisioni hartonin një listë prej 5 pyetjesh që vlerësohej me nga 10 pikë secila.
Ndërkohë, në bazë të ndryshimeve, pyetjet ndaj kandidatëve do të vlerësohen me nga 2 pikë secila. Po ashtu edhe nga secili anëtar i komisionit vlerësimi individual për përgjigjet e dhëna do të bëhet me vlerësim nga 0 në 2 pikë, nga 10 pikë që parashikohej vlerësimi i mëparshëm.
Në dosjen e kandidatit përfshihen të dhënat për autor tekstesh, shkrimesh, doktoratura e ndjekur, kumtesa të mbajtura, gjuha e mbrojtur e huaj, nota mesatare e studimeve të larta dhe vjetërsia në punë.
Për të plotësuar pikët e një kandidati komisioni shqyrton të dhënat edhe për konfliktin e interesit të anëtarëve të komisionit, duke verifikuar vërtetësinë e dokumentacionit të dorëzuar.
Ndërkohë në shkollat e mesme që kanë mbi 800 nxënës, sipas udhëzimit të Ministrisë së Arsimit të miratuar në korrik 2023, do të kenë 3 nëndrejtorë që do të japin vetë mësim, duke ulur kështu ngarkesën e mësueseve.
Më herët, limiti ka qenë mbi 900 nxënës. Udhëzimi parashikonte se shkollat e arsimit special për nxënësit me aftësi ndryshe, për herë të parë do të kenë edhe nëndrejtor, pavarësisht numrit të nxënësve. Kur numri i nxënësve kalon mbi 130, atëherë shkolla do të ketë dy nëndrejtorë.
LEXONI GJITHASHTU:
- Kreu i Syriza: Shqipja të jetë gjuhë e dytë në shkollat greke
- Ministria e Arsimit vë në dispozicion 300 milionë lekë për projektet e IAL-ve
