Në arrest shtëpie për dhunë, 49-vjeçari godet gruan e largohet. Përfundon në pranga

Një 49-vjeçar në Pogradec është arrestuar pasi dhunoi bashkëshorten e tij ndërkohë që ishte me masë sigurie “Arrest në shtëpi”, për veprën penale “Dhuna në familje”.

Sipas njoftimit të policisë ai goditi me sende të forta bashkëshorten e tij dhe u largua nga banesa por si rezultat i kontrolleve, bazuar dhe në informacionet e siguruara nga inteligjenca informative, ai është lokalizuar dhe arrestuar.

Ndërkohë bashkëshortja e 49-vjeçarit ndodhet në spital, në kujdesin e mjekëve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprat  penale “Dhuna në familje” dhe “Largimi i të burgosurit nga vendi i qëndrimit”.

LEXONI GJITHASHTU:

• Organizonin lojëra fati në lokal, arrestohen 2 punonjësit, në kërkim pronari
• “Putin është çmendur, s’e di ç’i ndodhi”- Kremlini i përgjigjet deklaratave të Trump