Në gomone edhe fëmijë, i riu nga Hasi tregon kalvarin e rrezikshëm përmes La Manshit

Britania e Madhe është kthyer në tokën e ëndrrave për shumë shqiptarë, që zgjedhin të kalojnë një kalvar vështirësish për të mbërritur atje.

Në një rrëfim ekskluziv për Euronews Albania një i ri nga Hasi, i cili ka kërkuar të mos identifikohet, tregon se ka paguar 5 mijë euro për të hipur në një gomone me 40 emigrantë të tjerë, mes të cilëve edhe minorenë shqiptarë 13-15 vjeç.

I riu rrëfeu rrugën e rrezikshme në det të hapur, ku gomonia kishte pësuar defekt dhe sapo telefoni kishte kapur valët britanike kishin telefonuar policinë e këtij vendi për të shpëtuar jetën.

“Pati shumë rrezik, u detyruam të marrim në telefon policinë angleze. Ata erdhën, na futën brenda se kishim ngrirë nga i ftohti, na dhënë për të ngrënë, na morën shenjat e gishtave. U mbush kampi plot, s’kishte vend dhe na lanë në stacion treni”, rrefen i riu nga Hasi.

LEXONI GJITHASHTU:

• Ekskluzive| I riu nga Hasi: Pagova 5 mijë € për të shkuar në Angli, isha i pashpresë
• 40% e emigrantëve që shkojnë me gomone drejt Britanisë janë shqiptarë