Në kërkim nga SPAK, trafikanti arrestohet në Itali me identitet rumun

Një shqiptar, i cili dyshohet se ka mbështetur një organizatë kriminale është arrestuar në Itali.

Mediat italiane bëjnë me dije se oficerët e policisë e ndaluan atë në përfundim të një operacioni të gjatë vëzhgimi dhe hetimi.

Shqiptari, identiteti i të cilit nuk është identifikuar kërkohej ndërkombëtarisht për afera droge, por gjithmonë kishte arritur të arratisej. Derisa, pas një periudhe të gjatë vëzhgimi dhe hetimi, policët e Skuadrës Fluturuese e ndaluan.

Shqiptari në momentin që u kap, mbante me vete një identitet rumun, por që e ka tradhtuar fotoja e tij.

Urdhri i arrestit është lëshuar në janar 2023 nga “Gjykata Speciale për Korrupsionin dhe Krimin e Organizuar” në Tiranë.

Konkretisht ai u ndaluar pranë një biznesi tregtar në lagjen “Mirafiori Sud” të qytetit.

Gjyqtari hetues hedh hipotezën se i arrestuari mund të jetë mbështetës i një grupi kriminal me origjinë shqiptare të dedikuar për importimin e sasive të mëdha të heroinës nga Shqipëria në territorin italian.

LEXONI GJITHASHTU: 

• Rama mbledh Asamblenë, detaje nga mbledhja me dyer të mbyllura
• Nëna e Navalnyt ngre padi në gjykatë, kërkon lirimin e trupit të të birit