Një 41-vjeçar, i shpallur në kërkim për prodhim dhe shitje narkotikësh, si dhe armëmbajtje pa leje, është arrestuar nga policia e Durrësit. Ai ishte nën hetim nga gjykata e Durrësit, e cila kishte lëshuar një urdhër ndalimi për akuzën e prodhimit dhe shitjes së narkotikëve.
Në një operacion të realizuar në korrik 2024, gjatë kontrolleve në banesën e tij, u gjet një armë zjarri pistoletë që ai e mbante pa leje.
Operacioni u realizua nga Forca e Posaçme Operacionale dhe Seksioni për Hetimin e Narkotikëve në Durrës, bazuar në informacionet e inteligjencës policore.
Pas kapjes së tij, materialet procedurale iu dorëzuan Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.
LEXONI GJITHASHTU:
- Vritet 42-vjeçari shqiptar në Itali, e qëllojnë 3 herë me thikë në fyt
- Dokument ekskluziv/ Emri i përmendur nga babai i Luisit, në raportin e OPGJ-së
