Në kërkim si anëtar i një grupi kriminal në Itali, arrestohet në Tiranë 24-vjeçari

Është arrestuar në Tiranë 24-vjeçari Klinder Luka. I riu ishte në kërkim si pjesëtar i një grupi kriminal në fushën e narkotikëve

Ai u arrestua në kuadër të një operacioni policor ndërkombëtar i koduar “SACRIPANTE.AL” dhe do të ekstradohet në Itali.

Gjithashtu gjatë operacionit “SACRIPANTE”, u vunë në pranga në Itali, 10 persona.

Njoftimi i policisë:

Si rezultat i hetimeve dhe veprimeve operacionale, të kryera në koordinim me partnerët italianë, në kuadër të një procedimi penal, të iniciuar nga Prokuroria e Venecias, Sektori për Hetimin e Grupeve Kriminale në Drejtorinë për Hetimin e Krimit të Organizuar, në Departamentin e Policisë Kriminale, në DPPSh, në bashkëpunim me DVP Lezhë, me Zyrën e Interforcës Italiane në Shqipëri, me Zyrën e Ekspertit të Sigurisë Italiane dhe me Karabinierinë e Venecias, zhvilloi në Shqipëri, operacionin ndërkombëtar antidrogë, të koduar “SACRIPANTE.AL”.

Gjatë operacionit u lokalizua dhe u arrestua provizorisht, për t’u ekstraduar në Itali, shtetasi shqiptar K. L., 24 vjeç.

Gjykata e Venecias ka lëshuar urdhër arresti për këtë shtetas, mbi dyshime për kryerje të veprave penale në fushën e narkotikëve, në kuadër të grupit të strukturuar kriminal, sipas parashikimeve të neneve 81, 110 dhe 73 të Kodit Penal italian.

Gjatë operacionit “SACRIPANTE”, u vunë në pranga në Itali, 10 shtetas.

Interpol Tirana po bashkëpunon me homologët, për ekstradimin në Itali, të shtetasit të arrestuar.

LEXONI GJITHASHTU:

• “Mbështetësit e Veliaj para SPAK”, Berisha: Për 25 vite s’kanë punë në shtet
• Greqia zgjedh Presidentin, ish-kryetari i Kuvendit votohet në krye të shtetit