Në mbështetje të Kombëtares, qindra tifozë shqiptarë nga RMV në Qafë Thanë

Në pikën e kalimit kufitar të Qafë Thanës me dhjetëra shqiptarë me banim në Maqedoninë e Veriut po kalojnë kufirin me qëllim për të shkuar në stadiumin “Air Albania”, aty ku ditën e sotme Kombëtarja shqiptare përballet me Republikën Çeke.

Tifozët e shumtë në numër shprehen entuziastë për një fitore të ekipit shqiptar, për të hapur rrugën drejt kualifikimit për në Europianin 2024 në Gjermani.

Pasioni i djemve për Kombëtaren ka bërë që shumë prej tyre të lënë gjithçka për ta mbështetur skuadrën nga stadiumi.

Burime zyrtare pranë pikës së kalimit kufitar të Qafë Thanës bëjnë me dije se vetëm ditën e sotme kanë kaluar nga Maqedonia e Veriut drejt vendit tonë me shume se 1000 shtetas, 400 prej të cilëve kanë deklaruar se kanë ardhur për të parë ndeshjen Shqipëri-Çeki.

Drejtoria e policisë së qarkut të Korçës ka marrë masa duke kontrolluar tifozët në veçanti për mjete piroteknike si dhe parulla me përmbajtje fyese.

Rruga e dhjetëra tifozëve drejt kryeqytetit duket plot pasion.

LEXONI GJITHASHTU:

• Tirana vishet kuqezi! Atmosfera para ndeshjes së kombëtares, tifozët: Sot do fitojmë
• “Fan Zone” në sheshin “Skënderbej”, 12 orë festë në mbështetje të Kombëtares