Në pritje të dëmshpërblimit, nis verifikimi i dëmeve nga përmbytja në Shkodër

Sabah Vjerdha është banor i fshatit Trush . Rreth 20 dynym tokë në pronësi të tij prej 40 ditësh kanë qenë në pushtetin e ujit . Shpresat për tu dëmshpërblyer i ka të pakta.

“Në 2010 na kanë dhënë pak lekë, në 201 asnjë lekë nuk kemi marrë”, thotë Sabah Vjerdha, fermer në Trush.

Me largimin e ujit ai ka nisur të përdorimin e pesticideve për rigjenerimin e tokës me shpenzimet e veta. Fermeri bën apel për ndihmë pasi situata është tejet e vështirë.

Xhavid Pëllumbi specialist pranë bujqësie pranë bashkisë Shkodër shprehet se problematika më e madhe qëndron në faktin se këto toka janë përmbytur disa herë dhe rendimenti i tyre ka rënë.

“Dëmi në kulturat bujqësore është jashtëzakonisht i madh. Përmbytjet e vazhdueshme për sjellin degradim të tokës duke e kthyer në moçalishte”, shprehet specialisti i grupit të verifikimit në terren.

Drejtori i zyrës së bujqësisë, Alban Sekja zbulon faktin se si pasojë e pandemisë, fermerët kanë mbjellë më shumë e si pasojë të qëndrimit për më shumë se 40 ditë të ujit nëpër toka, dëmet përllogariten më të mëdha se në përmbytjet e vitit 2018.

“Sipërfaqja e mbuluar nga uji ka qenë më e vogël në krahasim me 2018 por tokë e kultivuar ka qenë më shumë pasi fermerët duke shfrytëzuar situatën e pandemisë kanë rritur sipërfaqet e kultivuara”, tha ai.

Në vitin 2018 dëmet në tokat e nën Shkodrës u llogaritën në më shumë se 3 milion euro ndërsa banorët nuk u dëmshpërblyen asnjëherë.