Në rrezik nga moti i keq, Policia ndihmon maqedonasin që fluturonte me paraglajder

Policia Kufitare ka shpëtuar një sportist të Maqedonisë së Veriut që ishte në fluturim me paraglajder, pasi erërat e forta e devijuan fluturimin dhe e dërguan në fshatin Alarup, në Pogradec. Pas informacionit të marrë nga komandanti i Shën Naumit të Maqedonisë së Veriut, shërbimet e Drejtorisë Vendore të Kufirit dhe Migracionit Korçë kanë reaguar menjëherë, duke lokalizuar sportistin dhe kontaktuar me të.

Sportisti, i identifikuar si V. P., u gjet në gjendje shumë të mirë shëndetësore, pavarësisht situatës së rrezikshme. Pas asistencës, ai u dërgua në Pikën e Kalimit Kufitar Tushemisht dhe kaloi për në Maqedoninë e Veriut.

LEXONI GJITHASHTU:

• Stuhia shkakton dëme në Tiranë, 4 persona të lënduar dërgohen në spitalin e Traumës
• Tepelenë: Stuhia rrëzon pemët në Ujin e Ftohtë, vështirësohet qarkullimi