Në vigjilje të Krishtlindjes/ Imzot Massafra mesazh për besimtarët e krishterë

Me rastin e festës së krishtlindjes, Imzot Angelo Massafra ka përcjell një mesazh për të gjithë besimtarët e krishterë.

Në vigjile të festës së Krishtlindjes, Imzot Angelo Massafra, president i Konferencës Ipeshkvnore Shqiptare ka përcjell një mesazh për të gjithë besimtarët me rastin e kësaj feste. 

“Kjo festë duhet të na kujtojë jo vetëm rëndësinë e lindjes së Krishtit dhe rëndësinë e saj për historinë e njerëzimit, por duhet të na rikthejë te Ai dhe te mësimet e tij. T’i përgatisim një vend në tryezat tona të mbushura plot në personin e të varfërve, që, në këtë ditë, të kenë një vakt të ngrohtë. T’i përgatisim familje që jetojnë dimensionin e dashurisë, që kur të vijë të gjejë ngrohtësinë e dashurisë familjare, të dashurisë vëllazërore.”

Thirrjet e tij shkojnë familjen dhe dashurinë që secili duhet të sjell për të ndryshuar fatin e kësaj bote. 

“Qoftë kjo festë e Lindjes së Jezu Krishtit rasti për një bashkëngjitje të ripërtërirë personale dhe bashkësiore me Të, duke mësuar prej Tij rregullën e dashurisë. Vetëm dashuria mund t’ia ndryshojë fatin kësaj bote, tashmë (për fat të keq!) të mësuar me luftëra dhe kaq shumë vuajtje.”

LEXONI GJITHASHTU:

• Mitropolitit i Korçës: Të gjejmë paqen brenda vetes e ta përhapim kudo ku ajo mungon
• Berisha: Duan të më burgosin, por për të bërë këtë nuk kanë asnjë provë e as fakte