Pacienti humbi jetën nga neglizhenca, Prokuroria Fier dërgon në gjyq pesë mjekë

Prokuroria Fier dërgon në gjyq pesë mjekë të Spitalit Rajonal për “Neglizhencë në trajtimin mjekësor”.

Konkretisht ka dërguar në gjyq mjekët, Ledjusa Muhametaj, Enton Dore, Agim Sulaj, Aleks Sulejmani, Ndriçim Bala, të cilët akuzohen për veprën penale  “Neglizhenca në trajtimin mjekësor”.

Nga provat e administruara dhe analizimi i tyre, ka rezultuar se pesë mjekët kanë neglizhuar në trajtimin mjekësor të shtetasit Bledar Sherifaj i cili më pas ka ndërruar jetë.

I ndjeri nuk është hospitalizuar dhe ska marë tajtimin e duhur mjekësor, duke e transportuar nga Vlora në Fier dhe nga Fieri në Vlorë.

Kjo kohë dhe moskujdesi mjekësor, solli vdekjen e pacientit në ambjentet e ambulancës, teksa udhëtonte nga Fieri për të shkuar në spitalin e Vlorës me qëllim marjen e mjekimit.

“…nga dokumentacioni i administruar në kartelën mjekësore pranë spitalit Rajonal të Vlorës, rezulton se shtetasi Bledar Sherifaj ka shkuar i vdekur në ambjentet e këtij spitali…”-thuhet në dosjen hetimore.

LEXONI GJITHASHTU: 

• Sportisti nga Prishtina nis sfidën Kuq e Zi: Do vij me vrap në Tiranë për 24 orë
• Hamasi kërkon zgjatjen e armëpushimit me Izraelin