English

Nëna rrëfen si e bija 9 vjeç fitoi betejën me kancerin

KOMENTE

SHPERNDAJE
ARTIKULLIN

Text sizeAa Aa

Valbona Lengu është nëna e një vajze 9-vjeçare që ka fituar betejën me kancerin.

- Advertisement -

Ajo tregon vështirësitë e një prindi në atë situatë, si edhe çfarë i dha forcë për t’ia dalë me të gjitha procedurat për shërimin e të bijës.

Vajzës së Valbonës i filluan dhimbjet e kokës, e kur në spital i thanë për sëmundjen, Valbona fillimisht nuk e besoi.

Vajza duhet të operohej dy herë. Operacioni i parë u bë në spitalin shtetëror Nënë Tereza në Tiranë, pas disa ditësh zvarritje.

“Te Nëne Tereza pritëm 20 ditë. Vajzës nuk i bënin efekt qetësuesit. Kishte dhimbje koke. Më pas filloi t’i ikte shikimi. Kërkonte bukë por nuk hante”, tha Valbona në një lidhje të drejtpërdrejtë me emisionin Sot, në Euronews Albania.

Pa ndihmën e një bashkëshorti, Valbona u mbështet te e ëma, te mikesha dhe vëllezërit e saj për të ndërmarrë procedurat për shërimin e të bijës.

Por paratë nuk mjaftonin, ndaj ajo kërkoi ndihmë nga Elvis Naçi, që ka një organizatë me anë të cilës u vjen në ndihmë personave në nevojë, duke grumbulluar fonde.

Kështu ndodhi me vajzën e Valbonës, e cila operacionin e dytë e kreu në Turqi, dhe kushtoi 15 mijë euro.

Pavarësisht nevojës pas përballjes me një sëmundje të rëndë, Valbona nuk e kishte mundësinë ekonomike për t’u konsultuar me një psikolog, as për veten e as për të bijën.

Edhe medikamentet për vajzën, Valbona i blen me ndihmën e vëllezërve.

Tani vajza është më mirë, thotë e ëma, e cila thekson se e vetmja gjë që e shtyu ta çojë betejën deri në fund, ishte shpresa.

“Vajza është më mirë, është kthyer në shkollë por ka ende vështirësi pasi operacionet ishin ë vështira”, tha Valbona.

Sipas OBSH-së, kanceri te fëmijët është i shërueshëm në 80% të rasteve.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×