Neritan Sejamini: Rindërtimi do të lerë një borxh që do të vendosë në vështirësi vendin

Neritan Sejamini, drejtues i emisionit “Me pak fjalë” në Euronews Albania thotë se, buxheti i vitit 2021 është jo realist dhe qeveria ka parashikuar shpenzime dhe financime që nuk mund të realizohen dot.

z. Sejamini tha se, qeveria po përdor rindërtimin duke e kthyer në një armë në favor për kohë pandemie, por FMN ka ngritur shqetësim për mënyrë se si po përdoren këto para që kanë ardhur edhe si ndihmë për tërmetin ndërsa ngriti shqetësim dhe për koncesionet.

“Një pjesë e madhe e fondeve do të keqpërdoren, do të shkojnë për qëllim klienteliste dhe abuzuese. Një pjesë e madhe janë financime me borxhe. Koncesionet nuk janë përfshirë në llogarinë e borxhit. Që këtu fillon largimi nga mbikëqyrja strikte. Koncesionet vijnë e shtohen dhe do ta dyfishojnë vlerën e koncesioneve të dhëna deri tani”, tha ai.

“Jemi në një vit elektoral dhe çdo qeveri në vit elektoral rrit shpenzimet. Ka një parashikim shumë optimist për të ardhurat që do të mblidhen dhe ky buxhet do të ketë të paktën 500 milionë euro më pak se sa parashikimi i qeverisë. 500 milionë euro më pak në rreth 3 miliardë euro i bie që të gjitha shpenzimet dhe financimet e parashikuar duhen riparë”, theksoi gazetari.

Sipas z. Sejaminit kushdo qeveri që do të vijë në pushtet pas zgjedhjeve të 25 prillit do të qeverisë me vështirësi për shkak të borxhit që do të trashëgojë.

“Procesi i rindërtimit po përdoret për qëllime elektorale dhe do të lërë një borxh që jo vetëm do të vënë në vështirësi qeverinë e ardhme por do të duhen 4-5 vite deri sa niveli i borxhit të stabilizohet. Duhet monitorim që këto para mos të abuzohen për qëllime elektorale dhe klienteliste”, përfundoi drejtuesi i emisionit “Me pak fjalë”.

Ndiqni intervistën e plotë: