Të hënën caktohet verifikimi i masës së sigurisë për Malltezin dhe Bektashin

Nesër në orën 13:30 do të mbahet në Gjykatën e Posaçme seanca për verifikimin e masës së sigurimit për Jamarbër Malltezin dhe Fatmir Bektashin.

Nga informacionet bëhet e ditur se në Gjykatën e Posaçme nuk ka mbërritur ende procesverbali për njoftimin e Berishës nga OPGJ.

Kujtojmë se ndaj Fatmir Bektashit, një nga trashëgimtarët si pronar trualli dhe ndërtuesi i kullave në ish-klubin sportiv Partizani ka një masë sigurie “Detyrim paraqitje”. E njëjta masë sigurie është vendosur dhe për Sali Berishën.

Ndërkohë “arrest me burg” është caktuar për dhëndrin e ish-kryeministrit Berisha, Jamarbër Malltezi.

Kallëzimi është bërë nga ministri i Brendshëm, Taulant Balla, në lidhje me procedurat e ndjekura për privatizimin e pronës shtetërore “Klubi Sportiv Partizani” Tiranë. SPAK ka dy vite që ndjek hetimet.

LEXONI GJITHASHTU:

• “Veprime konkrete për të favorizuar Malltezin”- SPAK njoftim zyrtar për Berishën
• Dosja/ Zbardhet biseda mes Berishës e Rulit: S’rri me atë borxh, letrat me vlerë…