Në datat 1 dhe 2 dhjetor do të mblidhet në Bruksel, Komiteti Ndër-parlamentar Shqipëri-BE për Stabilizim-Asocimin.
Në rendin e ditës së kësaj mbledhje do të jetë miratimi i rezolutës së hartuar nga euro-deputetët për Shqipërinë. Në dokument, euro-deputetët përshëndesin çeljen e negociatave të me Bashkimin Evropian duke theksuar se kjo është një fazë e re në rrugëtimin e Shqipërisë.
Në pikën 7 të rezolutës, Komiteti shpreh shqetësimin për sulmet kibernetike. Duke marrë shkas nga sulmet që pësoi Shqipëria, i kërkohet Bashkimit Europian dhe vendeve anëtare të tij që të rrisin ndihmën për t’u mbrojtur nga agresione të tillë.
“Vendet e Ballkanit Perëndimor përballen me nivele veçanërisht të rëndësishme të ndërhyrjeve të huaja dhe fushatave dezinformuese dhe janë viktima të sulmeve kibernetikem bëhet thirrje, në këtë drejtim, BE-së dhe shteteve të saj anëtare që t’i ofrojnë Shqipërisë, si dhe aleatëve të tjerë të Ballkanit Perëndimor, ndihmën e nevojshme”, citon rezoluta.
Por rezoluta e PE i kërkon autoriteteve shqiptare të vazhdojnë eliminimin e korrupsionit dhe aktiviteteve kriminale, veçanërisht në nivel të lartë, nga të gjitha fushat e jetës publike. Dokumenti thekson domosdoshmërinë për të luftuar prodhimin dhe trafikimin e drogës; vëren me shqetësim se Shqipëria ka rënë me 27 vende në Indeksin e Perceptimit të Korrupsionit të Transparency International që nga viti 2016.
Rezoluta inkurajon Shqipërinë për të luajtur një rol konstruktiv në zhvillimin dhe kultivimin e bashkëpunimit rajonal. Po ashtu, dokumenti i PE, bën thirrje për rritjen e transparencës së pronësisë së medias, financimit dhe reklamimit publik.
LEXONI GJITHASHTU:
- “PD s’duhet të jetë keq për 100 mijë vota”, Kokalari kundër koalicionit PD-PL
- I dënuar për trafik droge, 51-vjeçari shqiptar ekstradohet në Itali