Nga bojkoti i komisionit “Xhafaj” te protesta e opozitës, flet ambasadori i BE

Ambasadori i Bashkimit Evropian, Silvio Gonzato, ka reaguar lne lidhje me bojkotin që institucionet e drejtësisë i kanë bërë komisionit “Xhafaj”, duke theksuar rëndësinë e respektimit të pavarësisë së këtyre institucioneve. Në deklaratën e tij, Gonzato u shpreh se bojkoti nuk ishte një akt kundër komisionit, por një gjykim për mënyrën se si duhej të trajtohej kontributi i institucioneve përkatëse.

Ambasadori vuri në dukje se Bashkimi Evropian do të vazhdojë të ofrojë asistencë për komisionin “Xhafaj”, me qëllim përshpejtimin e përpjekjeve për konsolidimin e Reformës në Drejtësi dhe parandalimin e korrupsionit. Reforma e Drejtësisë, që filloi në vitin 2016, sipas Gonzatos, kërkon bashkëpunim të të gjitha institucioneve për t’u forcuar më tej.

I pyetur për protestat e opozitës, Gonzato u shpreh se opozita ka mënyra të ndryshme për të shprehur pakënaqësitë, por djegia e karrigeve nuk është metoda më e përshtatshme për të adresuar mungesën e demokracisë.

Ambasadori Gonzato ishte në Elbasan ku, së bashku me ministrin e Brendshëm, Ervin Hoxha, dhe Kryetarin e Bashkisë, Gledian Llatja, vizituan projektin social “Tradita ime Artizanale”. Ky projekt ka për qëllim mbështetjen e grave dhe vajzave në nevojë dhe është realizuar në një pronë të sekuestruar nga veprimtaritë kriminale, duke kontribuar në fuqizimin ekonomik të komuniteteve të prekura.

LEXONI GJITHASHTU:

• Mosbindja civile e opozitës, procedohen Bardhi e Noka. Shpallen në kërkim 9 persona
• VIDEO| Sulmohet me lëndë plasëse selia e PS-së, merr flakë godina