“Nga Shqipëria kërkojmë që…”, Presidentja Osmani flet në nisje të Samitit Europian

Presidentja e Kosovës, Vjosa Osmani, në nisje të Samitit Europian të Tiranës, deklaroi para mediave që mbështetja e Shqipërisë ndaj Kosovës, të vazhdojë dhe më tej. Ajo ngre dy pika kryesore lidhur me këtë çështje.

“Nga Shqipëria kërkojmë që të vazhdojë përkrahjen në raport me Republikën e Kosovës në disa aspekte. E para, që të vazhdojë të jetë e zëshme, siç ka qenë kryeministri Rama deri tani për heqjen e masave të padrejta ndaj Kosovës. E dyta, të flasë sa më shumë me shtetet që akoma nuk e kanë njohur Kosovën, në mënyrë që ato ta bëjnë një gjë të tillë. Mosnjohja e Kosovës nga shtetet anetarë të BE-së po e dëmton shumë Kosovën”, tha Osmani.

E pyetur nëse do ketë diskutime mbi dialogun Kosovë-Serbi, Osmani shprehet se nuk do të jetë temë e ditës së sotme pasi ky është një forum multilateral.

LEXONI GJITHASHTU:

• Merz në Samitin Europian të Tiranës: Jam i lumtur, pres të bashkëpunoj me…
• “Mundësi e mirë për të sjellë ndryshime”, flet Vuçiç nga Samiti në Tiranë