Nga vjen mishi që hamë? Konsumojmë mbi 180 mijë tonë në vit, importi zë më pak peshë

Shqiptarët konsumojnë rreth 180 mijë tonë mish në vit. Pjesa më e madhe është përmes produkteve të përpunuara të tij.

Mbi 75 për qind e kësaj sasie sigurohet nga tregu vendas, ndërsa pjesa tjetër importohet. Importuesit kryesorë të mishit në Shqipëri janë Italia, SHBA, Greqia dhe Brazili.

Nga Italia importohen rreth 7 mijë tonë në vit. Një pjesë e kësaj sasie vjen në formën e mishit të përpunuar, si në rastin e dërgesave me salçiçet e kontaminuara për të cilat dha alarmin Autoriteti Kombëtar i Ushqimit.

Mishi që importohet i papërpunuar vjen kryesisht në formën e kafshëve të gjalla dhe mishit të ngrirë. Të gjallat hyjnë në vend, sipas një studimi të financuar nga BERZH, kryesisht nga Bullgaria dhe Rumania. Në formën e ngrirë, mishi importohet nga SHBA, Brazili dhe vende të tjera të Amerikës Latine.

Studimi financuar nga BERZH vëren se sallamet dhe salçiçet nga importi janë të pakta, duke treguar se ky sektor është konkurrues në vend me më shumë se 7 kompani që kanë të shtrirë aktivitetin në pjesën më të madhe të territorit.

Konsumi vjetor për frymë për shqiptarët është më pak se 70 kilogramë mish, ndërsa mesatarja e vendeve të zhvilluara është mbi 100 kilogramë.

LEXONI GJITHASHTU: 

• ‘Wudy’ të rrezikshme për shëndetin, njofton AKU
•  Eksperti: 3 kategoritë që rrezikojnë më shumë nga konsumimi i ‘Wudy’ të infektuara
•  Spartak Ngjela braktis emisionin: Më keni thirrur me “non grata”