Ngjarja e rëndë me 2 viktima në Kavajë, policia jep informacion zyrtar

Policia ka dhënë informacion zyrtar në lidhje me ngjarjen e rëndë të ndodhur mbrëmjen e kësaj të mërkure në Kavajë, ku dy persona humbën jetën.

Konflikti mes dy shtetasve, Edmond Gosa dhe Sali Rexha, i njohur si Altin Rexha, për shkak të ndryshimit të emrit, ka ndodhur tek kryqëzimi i valutës.

Gosa ka plagosur me thikë Rexhën, ndërsa ky i fundit e ka plagosur me armë zjarri.

Si pasojë e plagëve të marra të dy shtetasit e përfshirë në konflikt, kanë ndërruar jetë në spital.

Njoftimi i policisë

Kavajë/Informacion paraprak

Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.

Si pasojë e plagëve të marra të dy shtetasit e përfshirë në konflikt, kanë ndërruar jetë në spital.

Nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Altin Rexha e ka ndryshuar emrin dhe në dokumente e ka Sali Rexha.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Në përfundim të veprimeve paraprake në vendngjarje, do të kemi një informacion vijues.

LEXONI GJITHASHTU

• EMRAT| Kush janë dy viktimat e ngjarjes së rëndë në Kavajë
• Përplasje me armë dhe thikë në Kavajë, 2 viktima