Ngjela: Askush në botë nuk kallëzon se i kanë vjedhur para të vjedhura

Avokati Spartak Ngjela ka komentuar rastin e vjedhjes që iu bë ish-zyrtares Alda Klosi nga pastruesja e banesës Rozeta Dobi dhe djali i saj Havieri.

Në një intervistë për Euroneës Albania, Ngjela u shpreh se askush në botë nuk kallëzon se i kanë vjedhur para të vjedhura, referuar kështu pasurisë së Klosit e cila po akuzohet se e ka ndërtuar në bazë të korrupsionit.

“Nuk shkon njeriu që ka vjedhur të denoncojë paranë e vjedhur. Ku ka hajdut që denoncon që më kanë vjedhur paratë e vjedhura. Kjo duhet të jetë rast unik në botë, megjithatë unë ju thashë nuk duhet të nxitohemi sepse këto mund të jenë kontradita në objekt që vijnë si pasojë e goditjeve psikike ose psikologjike,” – tha avokati.

Ngjela shtoi se në këtë rast gjithçka i duhet lënë në dorë rezultateve të hetimit.

LEXONI GJITHASHTU:

• Ngjela: Pushimi i çështjes, nuk është pafajësi, Mediu të përballet me ligjin
• “Mami nxori nga çanta kasafortën, e hodhi në kosh”- Zbardhet dëshmia e Havier Dobit