Është zbardhur dëshmia e 24-vjeçarit Havier Dobi, i cili dyshohet se në bashkëpunim me të ëmën e tij Rozeta Dobi akuzohen për vjedhjen e qindra mijëra eurove dhe bizhuterive me vlerë në banesën e zyrtares Alda Klosi.

Në dëshimë e dhënë përballë hetuesve, Dobi thekson se në datën 15 dhjetor ai ka shoqëruar mamanë, në banesën në “rrugën e Kosovarëve” ku punone si sanitare dhe e ka poritur rreth 20 minuta.

Ai rrëefen se mamaja u kthye në makinë me një çantë në krah, në të cilën afër lagjes së tyre zbuloi se kishte marrë një kasafortë.

Sipas të riut e ëma e tij e hodhi kasafortën në kosh, por disa ditë më vonë ajo i dha atij një shumë parash me prerje 500 dhe 200 euro me të cilat ai bleu 2 makina.

“I është marrë deklarim të dyshuarit Havier Dobi i cili ka deklaruar se, në datën 15.12.2022 rreth orës 09:00 ai ka shkuar me makinën e tij Mercedes- benz ngjyrë gri me targa AA390VT së bashku me mamanë e tij tek Rruga e ”Kosovarëve” pasi mamaja e tij punonte si sanitare tek një banesë në komleksin Orion. Pasi kanë vajtur në Rrugën e ”Kosovarëve” ka parkuar makinën dhe ka qëndruar rreth 20 minuta brenda në makinë. Më pas ka zbritur nga makina dhe ka vajtur tek hyrja e pallatit për të parë vendin që i kishte thënë mamaja e tij dhe më pas është kthyer përsëri në makinë. Nga aty pak minuta më pas ka dalë mamaja nga makina dhe ka shkuar te banesa ku ajo pastronte. Ka qëndruar rreth 10-të minuta dhe pasi ka dalë me vete ka patur një çantë shkolle adidas ku ka hipur në makinë dhe kanë zbritur në lagjen ku ata banojnë. Në momentin që kanë arritur te lagja ka vënë re se mamaja e tij ka nxjerrë nga çanta një kasafortë dhe e ka hedhur te koshat e plehrave. Disa ditë më vonë mamaja i ka treguar një shumë parashë me prerje 500, 200 eurosh, me prerje 100 dollarësh dhe 50-tëshe lekë, ku i ka sqaruar se këto lekë ajo i kishte marrë te banesa te Rruga e ”Kosovarëve” tek banesa ku ajo jetonte si sanitare. Deklaron se me një pjesë të këtyre parave kishte blerë dy makina tip Mercedes benz. Njëra ngjyra e bardhë me targa AA907LZ ndërsa tjetra ngjyrë e zezë me targa AC055HD”, thuhet në dosjen hetimore.

LEXONI GJITHASHTU: 

• Euronews Albania në banesën e Spartak Dobit, avokatja kërkon largimin e gazetares
• ‘Ishin paratë e xhaxhait, i vodhën’, gazetari: Dëshmia e Alda Klosit në polici
• “Takova ministrin”/ Ulsi Manja reagon për deklaratën e Spartak Dobit: As nuk e njoh