‘Ishin paratë e xhaxhait, i vodhën’, gazetari: Dëshmia e Alda Klosit në polici

Gazetari i Euronews Albania, Eni Ferhati ka zbuluar dëshminë e zyrtares Alda Klosi, në banesën e së cilës u vodhën 120 mijë euro nga sanitarja, Rozeta Dobi dhe i biri,  Havier Dobi.

Ferhati tha se në polici, Klosi i ishte shprehur se paratë ishin të xhaxhait të saj që prej vitesh jeton dhe punon në SHBA.

Ajo ka deklaruar gjithashtu se paratë do të përdoreshin për restaurimin e shtëpisë së xhaxhait në Tiranë dhe për të kryer një ndërhyrje kirurgjikale, pasi ai vuan nga kanceri.

“Është pyetur dhe zonja Klosi pretendon se shuma në valutë janë të xhaxhait dhe nuses së xhaxhait të saj që jetojnë prej vitesh në SHBA, ku kanë punuar atje si emigrantë dhe ia kishin lënë këto para që zonja Klosi t’u restauronte shtëpinëe tyre këtu nga e para. Por edhe para sepse mesa duket, me sa kuptoj, xhaxhai i saj vuan nga një sëmundje e rëndë me kancer dhe ndoshta ishte përgatitur për një ndërhyrje kirurgjikale në Shqipëri.

Ky është arsyetimi që ka dhënë zonja Klosi në lidhje me valutën, me shumën e madhe në dollarë dhe euro. Sa i takon bizhuve apo sendeve të jera me vlera, që vlejnë dhjetëra, mijëra euro, nuk ka dhënë një deklarim, sepse me sa duket, nuk është parë e arsyeshme”, theksoi ai.

LEXONI GJITHASHTU

• Gazetari: Dyshohet se ka persona të tjerë në vjedhjet që ka kryer pastruesja
• Spartak Dobi: Do të shesë shtëpinë për të nxjerrë djalin nga burgu
• “I mora paratë se e urreja Alda Klosin”, zbardhet dëshmia e pastrueses hajdute