Nikolla e përjashtoi, Baçi: Të hënën do futem në Kuvend, s’më ndalon njeri

Deputeti i PD-së Luan Baçi është shprehur se do të futet në Kuvend të hënën, ditën kur do të mbahet dhe seanca plenare.

Në një intervistë për emisionin “Review” në Euronews Albania, ai tha se nuk ka të drejtë njeri që ta ndalojë të futet në Kuvend ndërsa shtoi se përjashtimi është i paligjshëm.

“Nuk do të ketë dhunë por policia nuk ka të drejtë të më ndalojë mua  që të shkojë në Kuvend e kam për detyrë. Kush më përjashtoi? Përjashtimi është i jashtëligjshëm. Unë do të shkojë në Kuvend. S’më pengon njeri, s’duhet të më pengojë. Jam deputet i zgjedhur nga qytetarët, nuk më ka zgjedhur Nikolla. Përjashtimi ishte i paligjshëm”- tha ai.

LEXONI GJITHASHTU: 

• “PD gabime në të kaluarën”, Mediu: Kur dilja kundër Bashës më thoshin je me Ramën
• “PD të bëri ministre”/ Karabina përplaset me Baçin: Kërkojini falje Lulzim Bashës