Nikolla mesazh për 1 Majin: Po punojmë për ligje më të mira për botën e punës

Kryetarja e Kuvendit, Lindita Nikolla, ka shpërndarë një mesazh me rastin e 1 Majit.

Nikolla në reagimin e saj shpreh nderimet për njerëzit e punës si dhe shton se qeveria shqiptare po punon për ligje më të mira për botën e punës.

Kryeparlamentarja nënvizon gjithashtu se mirëqënia e punëtorëve, si faktor për rritjen ekonomike është qëllimi i parlamentarëve.

“Nderim sot, në 1 Maj dhe çdo ditë, për njerëzit e punës, që në mënyrë të pazëshme, me energjinë dhe sakrificat e tyre, punojnë e prodhojnë, ndërtojnë ekonominë dhe zhvillojnë Shqipërinë. Mirëqenia e punëtorëve, e forcës së punës, si faktor për rritjen ekonomike, është qëllimi ynë si parlamentarë e qeverisës. Prandaj po punojmë për ligje më të mira për botën e punës, për të ndërtuar jetën, të ardhmen dhe edukuar fëmijët me ndjenjën dhe përgjegjësinë për punën”, thuhet në mesazhin e kryeparlamentares.

LEXONI GJITHASHTU:

• Unioni i Sindikatave tubim para Kryeministrisë për të drejtat e punëtorëve
• Sot Dita e Punëtorëve – Cilat janë disa nga profesionet më të kërkuara në 2024
• ‘Populli të çohet, po na ikin fëmijët’- Marshim kundër eksodit të rinisë për 1 Maj