Nis me tensione parlamenti, Boçi: Rama ka kryer akt tradhëtie kombëtare

Ka nisur me tensione seanca plenare e kësaj të enjteje, ku pritet të mbahet interpelanca e thirrur nga opozita me kryeministrin Rama në lidhje me çështjen McGonigal.

Ishte deputeti i PD-së Luçian Boçi, ai i cili mori fjalën për procedurë dhe hodhi akuza të forta mbi kryeministrin.

Boçi tha se Rama duhet të arrestohet pasi ka kryer një akt tradhëtie ndërkombëtare duke korruptuar zyrtarin e FBI-së për të eliminuar opozitën.

“Përpjekja për të eliminuar opozitën është akt tradhëtie kombëtare. Edi Rama kërkon të eliminojë demokracinë dhe kërkon të ndërtojë një regjim, pasi te ketë eliminuar opozitën.

Është kryeministri I parë në historinë e Shqipërisë që korrupton një zyrtar të lartë të SHBA-ve.

Kryeministra të korruptuar bota ka njohur plotë, por kryeministër që korrupton bota nuk ka njohur dhe ky është Edi Rama. Korrupton në dëm të interesavve kombëtare. Është i vetmi kryeministër që ka cënuar marrëdhëniet me SHBA-të. Duhet të vijë këtu dhe nga këtu duhet të dalë me pranga në duar.

Është i marrë në hetim nga Grand Jurie, duhet të nisin hetimet dhe nga drejtësia shqiptare pasi ka korruptuar zyrtarin më të lartë të inteligjencës ameriakne”, tha Boçi.

LEXO GJITHASHTU:

• “Ta mbash mend mirë”- Kaos sërish në Kuvend, Baçi-Nikollës: Thërrisni Ramën
• Opozita bllokon foltoren, Vokshi nxjerr videon e Ramës për ish-zyrtarin e FBI