Nis në GJKKO gjyqi ndaj Belerit, e pranishme edhe ambasadorja greke

Nis sot gjyqi në themel ndaj kryebashkiakut të zgjedhur të Himarës, Fredi Beleri. Në ambientet e GJKKO ku po zhvillohet gjyqi janë paraqitur qytetar, familjarë dhe gazetarë nga Greqia për të ndjekur procesin.

E pranishme, ashtu si edhe në çdo seancë tjetër ndaj kryebashkiakut të zgjedhur të Himarës është edhe ambasadorja greke.

Beleri mbahet në burg që prej 12 majit të këtij viti pasi u arrestua për blerjen e votave në prag të zgjedhjeve lokale të 14 majit.

Prokuroria e akuzon fituesin e zgjedhjeve në Himarë se u ka dhënë 40 mijë lekë të reja 8 qytetarëve për te votuar në favor të tij gjatë zgjedhjeve lokale.

Mbajtja e tij në burg ka sjellë një përplasje me Athinën zyrtare e cila e akuzon qeverinë shqiptare se po e mban në qeli politikisht Fredi Belerin për të mos i lejuar betimin si kryebashkiak.

LEXONI GJITHASHTU:

• Vangjel Dule komenton vendimin për Belerin: I burgosur politik i Ramës
• Kërkoi leje për t’u betuar, Gjykata e Durrësit shpall moskompetencën për Belerin