Nis procesi i dezinsektimit, Tomini: Minimizojmë mushkonjat, parandalojmë sëmundjet

Instituti i shëndetit publik në bashkëpunim me njësitë vendore të kujdesit shëndetësor dhe bashkitë në të gjithë zonat bregdetare dhe turistike kanë nisur procesin e dezinsektimit, për të mos lejuar shumimin e mushkonjave. Drejtoresha e ISHP, Eugena Tonimi shprehet se kanë indentifikuar zonat problematike.

“Ne kemi laguna kanale dhe zona urbane, 5340 ha në të gjithë zonën , kemi dhe puseta dhe bodrume që shkojmë mbi 500 mijë metra katrorë..”, tha Tomini.

Produkti vepron mbi larvat e mushkonjave me anë të një produkti që nuk dëmton faunën dhe florën.

“Është një produkt biocid që mbron gjithë elementët, florën faunën dhe mbron për të mos denatyruar sistemin..”, tha më tej Tomini.

Tomini sqaroi se dezinsektimi vepron vetëm mbi 4 lloje të mushkonjave, por që janë dhe transmetuese të sëmundjeve infektive.

“Do kemi minimizim të mushkonjave dhe minimizojmë sëmundjet infektive që transmetohen nga mushkonjat”, përfundoi Tomini.

Procesi i dezinsektimit, sipas ekspertëve do të vazhdojë edhe për gjatë verës, duke mbajtuar nën monitorim zonat, ku mund të ketë prani të larvave, duke siguruar kështu edhe një sezon turistik të qetë për pushuesit në bregdet.

LEXONI GJITHASHTU:

• Ministrja Koçiu: Nisim procesin e dezinsektimit, do të zgjasë deri në muajin tetor
• SPAK heton tenderin 1 mln euro të mushkonjave, pas Binos, 4 zyrtarë merren në pyetje