Procesi i votimit në Kosovë është mbyllur teksa brenda shkollës “Faik Konica” në 3 qendrat e votimit ka nisur procesi i numërimit të votave.
Gazetarja e Euronews Albania, Enkeleda Mema raporton nga Kosova se deri në minutën e fundit ka pasur qytetarë që kanë ardhur për të shprehur vullnetin e tyre politik.
Ajo shton se ky proces i numërimit do të jetë i shpejtë pasi me ndryshimin në kodin zgjedhor, do të numërohet vetëm vota për subjektet politike, ndërsa votat për kandidatët për deputetë do fillojnë të numërohën nga e hëna pasi të gjitha kutitë e votimit mblidhen në KZAZ-në përkatëse.
Ndërkaq, ditën e hënë do zbulohet se cilët janë ata kandidatë të prefeuar të cilët do të ulen në Kuvendin e ri të Kosovës dhe brenda orës 23:00 të mbrëmjes së sotme do bëhet e ditur rezultati paraprak se cila do të jetë forca fituese e këtyre zgjedhjeve.
