Mbahet protesta e shtatë e opozitës te bashkia Tiranë, sulmohet godina me molotovë

Edhe kjo protestë e shtatë e opozitës përballë bashkisë së Tiranës ishte me të njëjtin skenar.

E vetmja gjë që dalloi nga tubimet e mëparshme para bashkisë ishte, se bombat molotov u hodhën që në nisje të protestës.

Këshilltari bashkiak, Dorian Teliti theksoi se kjo rezistencë do të vijoj deri në largimin e kryetarit aktual të bashkisë Tiranë, Erion Veliaj.

Ndërsa këshilltari tjetër bashkiak i Partisë së Lirisë, Tedi Blushi deklaroi se shumë shpejt mund të ketë edhe përshkallëzim të kësaj proteste të opozitës.

Protestat e thirrura nga Aleanca për Teatrin dhe të mbështetura nga “Rithemelimi” dhe Partia e Lirisë, vijnë pas arrestimeve të disa ish-zyrtarëve të Bashkisë së Tiranës për korrupsion.

LEXONI GJITHASHTU:

• Mbahet protesta e 6-të në Bashkinë e Tiranës, qëllohet me molotov
• Protesta e opozitës, dhjetëra protestues mblidhen para selisë së PD