Nis protesta e studentëve të mjekësisë, pritet të bashkohen prindërit

Rreth orës 17:00 të së hënës ka nisur protesta para ministrisë së Arsimit nga studentët e mjekësisë.

Ndryshe nga herët e tjera protesta po zhvillohet në orët e pasdites pasi pritet që të bashkohen dhe prindërit.

Studentët kanë vendosur të hedhin sërish, njësoj si herën e fundit që protestuan, letra higjenike drejt ministrisë së Arsimit.

Që prej nisjes së vitit akademik, studentët e mjekësisë kanë refuzuar  të futen në auditore për sa kohë nuk anulohet ligji.

Ky projekt-ligj detyron studentët e mjekësisë të cilët nisin këtë vit studimet, që të punojnë në Shqipëri për 5 vite pasi të përfundojnë universitetin.

Për studentët të cilët janë tashmë duke ndjekur këtë degë, vitet janë më të ulëta, 3 vite. Në rast se ata refuzojnë të nënshkruajnë këtë marrëveshje atyre do u duhet të paguajnë një tarifë më të lartë për të ndjekur këtë degë.

LEXONI GJITHASHTU:

• Kikia-studentes së mjekësisë: Nuk frymëzoni, protestoni për standarde jo për të ikur
• Deputetët e opozitës mbështesin studentët e mjekësisë, kërkesa për GJK