Kryetari i Partisë Demokratike Sali Berisha akuzoi kryeministrin Rama për lidhjet e tij me ish-agjentin e FBI-së.
Gjatë konferencës për shtyp këtë të premte Berisha tha se kryeministri Rama ka dërguar në Vjenë ministren e Drejtësisë Etilda Gjonaj, për të takuar ish-agjentin e FBI-së. Sipas Berishës roli i ish-ministres ishte të fliste me Mcgonigal për një pagesë prej 5 mln euro që ish-deputeti Tom Doshi ishte i gatshëm të bënte nëse do të zbardhej atentati i supozuar i Ilir Metës ndaj tij.
“Tani dimension tjetër i aferës McGonigal, ky mashtrues ordiner, ky mashtrues amoral që u tha shqiptarëve se, sa e kam pritur një herë në zyrë dhe më dërgoi një sms dhe ishte një shoqërues me të, ky së pari e ka angazhuar këtë për Tom Doshin dhe Vangjush Dakon.
Ka angazhuar ministrat e tij dhe së bashku me Tom Doshin, ose Vangjush Dakon, por Toma ka qenë në Vjenë, ai kundër dëshirës së saj, ka urdhëruar dhe ka nisur Etilda Gjonin, ministre të Drejtësisë. E sigurtë, në një aktivitet kryekëput në shkelje të vendit dhe ligjeve të SHBA.
Etilda Gjoni nuk është as hetuese, as prokurore, as gjykatëse. Ajo nuk kishte asnjë motiv që të nisej, sepse Toma paguante 5 milionë euro për hetim, McGonigalit, për të hetuar gjoja atentatin që gjoja i kishin organizuar.
Pra hetimi në Vjenë, nuk u organizua nga Toma, por u organizua nga qeveria për Tomën, me qëllimin që njeriun që kishte zgjedhur për president, ta akuzonte për vrasës. E keni parasysh se çfarë i thoshte Durim Bami, Tomës, që më ka thirrur Ilir Meta dhe më ka bërë këto e këto.
Pra edhe në këtë aspekt, Edi Rama ka kryer një krim të shëmtuar. Nuk ka dashur të shkojë ministrja, të jemi të hapur këtu. Përkundrazi i ka bërë të qartë që kjo nuk është detyra e ministrit. Të dërgojmë prokurorë, por Edi Rama ka dërguar ministren.
A ka marrë pjesë në pyetje ministrja, a ka marrë pjesë në proces, kjo është histori e turpshme, ky është shteti i bandave, i banditëve”, tha Berisha.
LEXO GJITHASHTU:
- Berisha paralajmëron policinë: Do përgjigjeni dhe pas 30-vitesh po prekët protestues
- “Janë të fotografuar”- Berisha: McGonigal dhe ministrat orgji në klubet e Tiranës
