Berisha paralajmëron policinë: Do përgjigjeni dhe pas 30-vitesh po prekët protestues

Kryetari i Partisë Demokratike, Sali Berisha, foli këtë të premte në lidhje me protestën që pritet të mbahet ditën e nësërme nga opozita në bulevardin “Dëshmorët e Kombit”.

Berisha paralajmëroi policinë që të mbajë qëndrim korrekt me protestuesit, pasi sipas tij për çdo person të lënduar do të mbahet përgjegjësi edhe pas 30-vjetësh.

Berisha apeloi gjithashtu që punonjësit e shërbimit informativ të mos infiltrohen mes turmës, por të rrinë larg.

“Parlajmëroj policinë të mbajë qendrimin më korrekt, çdo protestues i lënduar do të konsiderohet i persekutuar politik dhe persekutori i tij do përgjigjet dhe pas 30 vitesh. Paralajmëroj policinë dhe punonjësit e SHIK-ut të kenë shumë kujdes dhe të mos futen fare në turmë.

Edi Rama po e shkatërron atë institucionin. Ky këshilltari i Edi Ramës që shkon aty po shpërbën institucionin. Një nga aktete e para të këtij, ka shpërbërë njësinë anti-drogë dhe ka transferuar shefin e anti-terrorit në konflikt të hapur interesi”, tha Berisha.

LEXO GJITHASHTU:

• “Nisi Etildën në Vjenë” Berisha: Doshi donte t’i jepte 5 mln euro McGonigal për…
• “Janë të fotografuar”- Berisha: McGonigal dhe ministrat orgji në klubet e Tiranës