Nisin regjistrimet për nxënësit në klasat e 10-ta, zgjasin deri më 20 korrik

Ministrja e Arsimit Evis Kushi ka lajmëruar mëngjesin e kësaj të premteje se kanë nisur rregjistrimet për klasat e 10-ta në sistemin e-Albania.

Me anë tënjë postimi në Facebook, Kushi ka lajmëruar se rregjistrimet do të zgjasin deri më 20 korrik.

“Të dashur nxënës dhe prindër,

Tashmë në sistemin e-Albania kanë nisur regjistrimet e nxënësve në klasat e dhjeta për vitin shkollor 2023-2024, të cilat do të vazhdojnë deri në datë 20 korrik.

Siç e dini, formulari i regjistrimit plotësohet në bazë të vendbanimit duke ndjekur procedurat e lehtësuara që zgjasin vetëm pak minuta, duke përjashtuar dorëzimin e dokumentacionit me prezencë fizike.

Suksese të gjithë nxënësve në këtë cikël të ri arsimor!”-tha Evis Kushi.

LEXONI GJITHASHTU:

• Mjekja bën apel: Izoloni fëmijët e tjerë nëse njëri ka virusin ‘gojë, duar, këmbë’
• Zjarri përfshin banesën në Vlorë, shpëtojnë mrekullisht familjarët