Një avion i vogël rrëzohet në një ndërtesë banimi në Gjermani

Një aeroplan i vogël u rrëzua sot në një ndërtesë banimi në shtetin gjerman të North Rhine-Westphalia, dhe një pjesë e shtëpisë është në flakë, por zyrtarët nuk mundën të konfirmonin nëse dikush është plagosur ose vrarë në aksident.

Një operacion i madh shpëtimi është duke u zhvilluar dhe videot tregojnë re të dendura tymi të zi që ngrihen në ajër pas rrëzimit të aeroplanit, raportoi Bild.

Sipas të dhënave të para, avioni ra në oborrin përpara ndërtesës në qytetin Korshenbroich, duke kapur një pjesë të fasadës, ndërsa muri i ndërtesës u dëmtua rëndë.

Sipas Bild, aeroplani u përpoq të ulej në Monchengladbach, pasi piloti kishte raportuar më parë se kishte probleme me motorin.

Pak më vonë, avioni u rrëzua. Shumë anëtarë të policisë, zjarrfikësve dhe shërbimeve të shpëtimit janë në vendngjarje, dhe rrethanat e aksidentit nuk janë ende të qarta.

LEXONI GJITHASHTU:

• “Kina, kërcënim për Tajvanin”- Hegseth: Afati që Xi i ka dhënë ushtrisë për pushtim
• Kapen mbi 1200 bimë dhe fidanë kanabisi në Shkodër, procedohen dy zyrtarë