Një gjerman për Bayernin, bavarezët të pakënaqur me blerjet

Sadio Mane është blerja e fundit e bërë nga bavarezët e Bayernit të Mynihut, por duket se as sulmuesi senegalez nuk po jep atë që pritej. Gjermanët tashmë po mendojnë për përforcimet e radhës, në mënyrë që të plotësohen objektivat. Diçka e tillë nuk mund të arrihet as në merkaton dimërore, ndaj planet janë për vitin e ardhshëm.

Në shënjestër është Kai Havertz, mesfushori i kombëtares i cili rigjeti shkëlqimin e tij të dikurshëm në ndeshjen e fundit të panxerave të luajtur ndaj Anglisë. 23-vjecari aktualisht aktivizohet me Chelsean dhe është një titullar i padiskutueshëm për teknikun Graham Potter. Kjo nuk është hera e parë që drejtuesit e Bayernit hedhin sytë tek lojtari I talentuar, pasi diçka të tillë e kanë bërë edhe kur ky i fundit aktivizohej me Leverkusenin. Asokohe marrëveshja nuk u arrit, pasi aspirinat kërkonin më tepër.

Aktualisht vlera e mesfushorit vijon të jetë sërish e lartë, pasi në 2020ën londinezët e transferuan atë për 80 mln euro. Ndërkohë që vlera ka ardhur në rritje, falë edhe sukseseve të klubit dhe performancës së tij. Kujtojmë se Havertz shënoi golin në finale e Champions League që i dha Chelseas trofeun në përballjen me Manchester Cityn në vitin 2021.

LEXONI GJITHASHTU:

• Një shqiptar për sfidën Inter-Bayern, Jareci: Kur shkel në fushë, s’je më tifoz