Një grup republikanësh në SHBA kërkojnë auditim të fondeve të dërguara në Ukrainë 

Përfaqësues të caktuar të Partisë Republikane në Dhomën e Përfaqësuesve të Kongresit Amerikan kanë kërkuar një auditim financiar të fondeve të akorduara nga Kongresi për Ukrainën.

Auditi është kërkuar duke filluar nga janari 2021, tha Marjorie Taylor Green, një anëtare e Dhomës së Përfaqësuesve nga Gjeorgjia.

“Unë po i dorëzoj Dhomës së Përfaqësuesve një projekt-rezolutë që i kërkon Presidentit të Shteteve të Bashkuara, Sekretarit të Mbrojtjes dhe Sekretarit të Shtetit që t’i japin Dhomës së Përfaqësuesve dokumentet përkatëse në lidhje me fondet e alokuara për Ukrainën me miratimin e Kongresit nga 20 janar 2021 deri më 15 nëntor 2022”, tha Green në një video-mesazh, raportoi Interfax.

Ajo vuri në dukje se “kërkon që të fillohet një kontroll për çdo dollar të taksapaguesve amerikanë që është transferuar në Ukrainë në një formë ose në një tjetër”. Përveç Green, dhjetë republikanë të tjerë nënshkruan peticionin.

LEXONI GJITHASHTU:

• Princi saudit i Kurorës fiton imunitet nga SHBA për vrasjen e disidentit
• Koreja e Veriut lëshon raketën ndërkontinentale, rrezja mund të arrinte SHBA