Princi saudit i Kurorës merr imunitet nga SHBA për vrasjen e gazetarit

Shtetet e Bashkuara kanë përcaktuar se Princi i Kurorës i Arabisë Saudite, Mohammed bin Salman ka imunitet nga një proces gjyqësor për vrasjen e Jamal Khashoggi.

Khashoggi, një kritik i shquar i qeverisë në Riad, u vra në konsullatën saudite në Stamboll në tetor 2018.

Inteligjenca amerikane ka thënë se beson se Princi Mohammed ka urdhëruar vrasjen.

Por në dosjet gjyqësore, Departamenti Amerikan i Shtetit tha se ai ka imunitet për shkak të rolit të tij të ri si kryeministër saudit.

“Doktrina e imunitetit të kreut të shtetit është e vendosur mirë në të drejtën zakonore ndërkombëtare,” thanë avokatët e Departamentit të Drejtësisë në një dokument të depozituar në Gjykatën e Qarkut të SHBA për Distriktin e Kolumbisë.

37-vjeçari mohon çdo rol në vrasjen e Khashoggi.

Por administrata Biden ishte e prirur të theksonte se vendimi nuk ishte një përcaktim i pafajësisë.

“Ky është një përcaktim ligjor i bërë nga Departamenti i Shtetit sipas parimeve të vjetra dhe të vendosura mirë të së drejtës zakonore ndërkombëtare”, tha një zëdhënës i Këshillit të Sigurisë Kombëtare të Shtëpisë së Bardhë në një deklaratë me shkrim. “Nuk ka të bëjë fare me themelin e çështjes”.

LEXONI GJITHASHTU:

• Princi i kurorës saudite, Mohammed bin Salman emërohet kryeministër
• Nuk e fshehin më, Putin-Princi i Kurorës në aleancë të hapur – po tani?