“Një komb, një gjuhë, një flamur”- Dua Lipa urim të veçantë për Pavarësinë

Këngëtarja shqiptare me famë botërore ka uruar festën e 111 vjetorit të Pavarësisë përmes disa pastimeve në rrjetin social Instagram.

“Urime festa e Pavarësisë. Një komb, një gjuhë një flamur”- shkruan ajo në një prej postimeve

Gjithashtu këngëtarja ka publikuar dhe një sërë fotosh me flamurin shqiptar.

Sot mbushen 111 vjet nga dita kur u shpall Pavarësia e Shqipërisë, më 28 Nëntor 1912.

Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar.

Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur, krahas kombeve e popujve të tjerë të Evropës.

LEXONI GJITHASHTU:

• Parashuta me flamurin kuq e zi ulet në Prekaz, pamjet nga festimet në Kosovë
• Dita e Pavarësisë bën bashkë Ramën dhe Kurtin, mbahet ceremonia në Vlorë
• Vjosa Osmani uron Ditën e Flamurit: Kosova do të jetë gjithnjë në krah të Shqipërisë