Një kryebashkiak në burg, gazetari: Duhet të nisë formimi i administratës Beleri

Gazetari Stavri Marko tha në një intervistë për Euronews Albania se njerëzit në Himarë e kanë të sigurt qëndrimin e kryebashkiakut të tyre të ri në burg.

Atmosfera në qytet është e tillë, sipas gazetarit, i cili sqaroi se pavarësisht gjithçkaje duhet të fillojë formimi i administratës së Fredi Belerit pasi nis dhe sezoni turistik.

“Pritet që administrata e bashkisë të krijohet  nga ekipi Belerit, pavarësisht se ai do të vazhdojë arrestin e burgut politik derisa të gjykohet në afatet që lejon edhe ligji, kështu që atmosfera është e tillë që tashmë është ndarë mendja për Belerin që do të qëndrojë në burg, pavarësisht se kemi dhe një përpjekje të fundit për apel të avokatëve të tij, e rëndësishme është që të krijohet  njëherë administrata për shkak se duhet të fillojë sezoni turistik,” – u shpreh Marko.

Sipas gazetarit ka fshatra pa ujë e probleme të tjera të kësaj natyre duke qenë se askush nuk po punon më dhe është shumë e rëndësishme hyrja në linjën normale të administrimit të qytetit.

LEXONI GJITHASHTU:

• A mund të betohet një kryebashkiak nga burgu? Ngjela bën parashikimin për Belerin
• KQZ i jep mandatin Fredi Belerit për Himarën