Një nga ‘kokat’ kyçe të bandave, arrestohet në Dubai me qëllim ekstradimi Durim Bami

Durim Bami, një nga krerët kryesorë të grupeve kriminale në Shqipëri, është arrestuar në Dubai me qëllim ekstradimin në vendin tonë.

Lajmin e ka bërë të ditur Policia përmes një njoftimi, ku thuhet se procedurat për ekstradimin e tij po vijojnë.

Kujtojmë se shumica e shqiptarëve që ndalohen në Dubai lirohen pas pak kohësh dhe nuk vihen para drejtësië.

Policia e Shtetit:

Si rezultat i shkëmbimit të menjëhershëm të informacionit, ndërmjet strukturave të Policisë së Shtetit dhe homologëve në Emiratet e Bashkuara, u arrestua në Dubai, me qëllim ekstradimin në Shqipëri, shtetasi D. B., 45 vjeç.

Gjykata e Posaçme e Shkallës së Parë Kundër Korrupsionit dhe Krimit të Organizuar, më datë 15.05.2024, i ka caktuar këtij shtetasi, masën e sigurise “Arrest në burg”, per veprat penale “Sigurimi i kushteve dhe i mjeteve materiale per te kryer vrasje”, “Grupi i strukturuar kriminal”, “Kultivimi i bimëve narkotike”, dhe “Kryerja e veprave penale nga organizata kriminale, ose grup i strukturuar kriminal”.

Vijon procedura per ekstradimin e ketij shtetasi drejt vendit tone.

LEXONI GJITHASHTU:

• Ish-mik i Durim Bamit| Kush është Gentjan Bejtja, objektiv i atentatit në Krujë
• “Për Durin, 1 mln €”-Bisedat për vrasjen e Bamit, Ndoka-Martinajt: Grup nga Kosova