“Një qytet ka vdekur ekonomikisht”, Qori tregon ku është korrupsioni më i madh

Shqipëria ka marrë vetëm një pikë më tepër në raportin e “Transparency International” për vitin 2022. Vendi ynë vijon të rendit në vendin e 101 në këtë raport, ku vlerëson 183 shtete në gjithë botën.

Arlind Qori kryetar i Lëvizjes “Bashkë” tha në një intervistë për Euronews Albania se korrupsioni më i madh është ai që lidhet privatizimet dhe koncesionet.

Ai mori si shembull uzinën e Ballshit, privatizimi i të cilës sipas tij solli edhe rrënimin e saj dhe shkatërrimin ekonomikisht të një qyteti të tërë.

“Po ju marr shembullin e uzinës së Ballshit, ajo filloi të rrënohej pasi është privatizuar.  Dhe sot është shitur për skrap, një qytet i tërë ka vdekur ekonomikisht, qindra naftëtarë kanë mbetur pa punë. Shkoni tek Parku i Liqenit si ndërtohet, çdo ditë shtohen blloqet prej betoni që ndërtohen në zona që kanë qenë hapësirë publike, investimet infrastrukturore që kanë një vlerë mbi vlerën reale. Të gjitha këto janë akte të një korrupsioni madhor që po na vjedh përditë”, tha Qori.

Ndiqni intervistën e plotë:

LEXONI GJITHASHTU:

• Transparency International: Shqipëria nuk përparon në luftën kundër korrupsionit
• Si u vu në lëvizje SHBA nga korrupsioni i Ramës, PD bën denoncimin e fortë