Një shtetas i Kosovës dyshohet se ka vrarë bashkëshorten dhe veten në Zvicër

Një shtetas i Kosovës dyshohet se ka vrarë bashkëshorten e tij, në një fshat të Zvicrës, dhe më pas edhe veten.

Mediat kanë raportuar se si i 42-vjeçari i dyshuar, ashtu edhe bashkëshortja e tij, 30 vjeçare ishin nga  Malisheva dhe kanë lënë pas katër fëmijë, transmeton KosovaPress.

Sipas mediave në Zvicër, i dyshuari ka shtënë me armë zjarri edhe jashtë shtëpisë, në të cilën ka hyrë më pas. Ndërkohë, shtëpia më vonë është kapluar nga zjarri dhe brenda janë gjetur dy trupa të pajetë, njëri nga ata mund të jetë i autorit të krimit.

LEXONI GJITHASHTU:

• Sot nis regjistrimi i deputetëve të rinj në Kuvendin e Kosovës
• Krim i rëndë në Gjermani, burri nga Kosova ther gruan para djalit të tyre 7-vjeçar