Krim i rëndë në Gjermani, burri nga Kosova ther gruan para djalit të tyre 7-vjeçar

Një 33-vjeçar me origjinë nga Kosova, Samson K. dyshohet se ka therur me thikë bashkëshorten e tij, Sabrina K., 31-vjeçare, duke i shkaktuar plagë të rënda trupore.

Sipas mediave gjermane, viktima ka marrë pesë goditje me thikë. Raportohet se ngjarja ka ndodhur në prezencën e djalit të tyre 7-vjeçar.

Gazeta gjermane Bild shkruan se Samson dhe Sabrina ishin të martuar prej disa vitesh dhe kishin dy fëmijë, një vajzë 4-vjeçare dhe djalin, shkruan KosovaPress.

I dyshuari pas krimit është ndaluar pranë viktimës së lënduar rëndë dhe ka kryer një telefonatë. Një dëshmitar e ka fotografuar atë.

Sipas Bild, Samson dhe Sabrina kanë qenë të martuar për disa vite, ndërsa raporti mes tyre ka qenë i tensionuar për vite, dhe thuhet të kenë pasur mosmarrëveshje të vazhdueshme.

Samsoni nuk ishte lejuar të kontaktonte bashkëshorten e tij pas një vendimi gjykate. Ai nuk ishte lejuar as t’i afrohet apartamentit më afër se 100 metra. Këtë vendim, ai e kishte shkelur katër herë. Vendimi ka qenë në fuqi deri më 19 korrik, 2024.

LEXONI GJITHASHTU:

• Dosja e vrasjes së Ilarias: I dashuri pas krimit hëngri drekë me shoqen e shqiptares
• Familja e Ilaria Sulës kërkon drejtësi: Të dënohet me burg përjetë krimineli