Një shtetas i Kosovës gjendet i vdekur në territorin e Serbisë

Ministria e Punëve të Jashtme dhe Diasporës në Kosovë njofton se nëpërmjet Zyrës Ndërlidhëse të Republikës së Kosovës në Serbi, është njoftuar se një shtetas i Republikës së Kosovës, është gjetur pa shenja jete në territorin e Serbisë.

MPJD bën të ditur se rrethanat e vdekjes së tij nuk janë sqaruar ende krejtësisht, mirëpo nga informacionet e deritanishme nuk ka indikacion për një vdekje të shkaktuar nga ana e autoriteteve serbe, shkruan KosovaPress.

“Ministria e Punëve të Jashtme dhe Diasporës ka udhëzuar Zyrën Ndërlidhëse të Republikës së Kosovës në Serbi që të ndërmarrë të gjitha hapat e nevojshëm dhe veprimet e duhura sa i përket riatdhesimit të trupit të pajetë dhe është në kontakt të vazhdueshëm me familjen e viktimës për t’i ofruar atyre mbështetjen e nevojshme institucionale”, thuhet në njoftim.

LEXONI GJITHASHTU:

• DASH: Nuk mund të barazohet vrasja e policit të Kosovës me atë të sulmuesve
• BE i përgjigjet Ramës? S’do komentojmë çdo deklaratë për Kosovën!