Një tërmet i fortë me magnitudë 7 ballë godet brigjet lindore të Rusisë

Një tërmet i fortë me magnitudë 7 i shkallës Rihter është regjistruar mbrëmjen e së shtunës pranë bregut të Kamçatkës, njoftoi zyra rajonale e Shërbimit Gjeofizik të Akademisë së Shkencave Ruse.

“Tërmeti ka ndodhur në një thellësi prej gjashtë kilometrash”, thotë zyra.

Epiqendra e tërmetit ishte 108 kilometra nga Petropavlovsk-Kamchatsky, raporton RIA Novosti.

Ministria ruse e Situatave të Emergjencave njoftoi se nuk ka rrezik për cunami në Kamçatka.

Menjëherë pas tërmetit të parë, një tërmet i dytë me magnitudë 4.7 ka ndodhur 116 kilometra larg kryeqytetit të rajonit.

Qendra Sizmologjike Mesdhetare Evropiane (EMSC) njoftoi se Kamçatka u godit nga një tërmet me magnitudë 7.2 në një thellësi prej 52 kilometrash, raporton Reuters.

Në të njëjtën kohë, Qendra Kombëtare Amerikane e Paralajmërimit të Cunamit paralajmëroi për rrezikun e një cunami për shkak të tërmetit, sipas informacioneve të tyre, me magnitudë 7.4 të shkallës Rihter.